【Emily】騙徒扮區議員 呃街坊30萬 經民聯梁文廣：鋪排數月 扮改電話
[2019.12.11] 發表
【明報專訊】騙徒嘅手法真係層出不窮，最近就有人扮經民聯深水埗區議員梁文廣(圖)呃長者錢！梁文廣日前喺facebook話，有騙徒冒認佢打畀街坊，話佢喺深圳被執法部門扣留，要錢去做擔保；該街坊不虞有詐，心急想救梁文廣，最後被呃咗大拿拿30萬元。
梁文廣同Emily講，嗰個騙徒深謀遠慮，幾個月前已經鋪排呢次騙局，打畀嗰位60多歲嘅婆婆街坊，自稱梁文廣，話改咗電話號碼，叮囑婆婆將個新號碼入落電話嘅電話簿，然後上個月底就用呢個新號碼打畀婆婆；婆婆收到呢個顯示為梁文廣嘅電話，而電話入面個「梁文廣」就話自己要錢擔保。婆婆一直都冇搵梁文廣，因為擔心佢仲被人扣留緊，至前日先去佢辦事處問候佢有冇事，佢先知呢單騙案。
相識十幾年
婆婆付錢為「議員」擔保
梁文廣話，佢喺地區工作識咗呢個街坊十幾年，知道事件後感到非常憤怒同內疚，批評騙徒利用街坊對佢嘅信任同愛護去行騙。佢話已陪同受害街坊到警署報案，要求警方加強追查，又搵緊渠道喺內地通報，希望幫到呢個街坊。
佢話，呢單騙案係佢所接觸過嘅最大金額騙案，佢早年都聽過有人冒認其他深水埗區議員用同一手法行騙。佢已經出咗電話信息，呼籲街坊提防受騙。
更多港聞
【Emily】本地回收廢紙 運越南製造 譚凱邦搞團購環保廁紙
【明報專訊】𠵱家做區議員唔容易，除咗要關注社區爆屎渠、漏水等事務，新民主同盟荃灣區議員譚凱邦近日仲喺選區馬灣做埋幫居民團購廁紙，仲話要先嚟... 詳情
【明報專訊】民主派喺區議會選舉中大勝之後都滿腹大計，民協深水埗區議員噚日公開招募新一屆區議會增選委員，呼籲對社區事務或對區議會事務有興趣嘅街...
詳情
【明報專訊】民主派喺各專業團體寸土必爭，香港會計師公會年度改選7名理事，民主派組6人團隊參選，全部報捷。其中成功連任嘅李淑儀（Rosalin...
詳情
【Emily】華懋高層向員工派飯 炸髀畀多兩隻
【明報專訊】唔少大企業都有為員工提供「大鑊飯」，等同事有免費飯食，更融入公司，成立近60年嘅華懋集團亦有呢個傳統，噚日華懋集團執行董事兼行政... 詳情相關新聞
