【Emily】大嘥鬼回應「盲盒壽司」 環署：超市即場食如外賣 可用膠盒
[2024.04.25] 發表
【明報專訊】即棄塑膠管制實施未夠一星期已引起各界迴響，日式連鎖超市DONKI近日轉用紙盒裝堂食嘅壽司，被網民戲稱似「抽盲盒」。環保署噚日透過「大嘥鬼」喺社交平台澄清，話零售業務為主嘅超市通常會售賣各種預先包裝食物，包括盒裝壽司，唔少市民買完就喺超市範圍內即場食，而呢種情况同一般銷售同外賣一樣，即係超市仍然可以用透明膠盒同膠蓋裝外賣壽司。
管制措施首階段禁止銷售或提供即棄膠餐具，堂食唔可以提供膠餐具外，亦禁止向顧客提供膠杯及食物容器。「大嘥鬼」又留意到，有餐廳誤以為新法例下用膠盒「打包」會違法，澄清「打包」屬外賣，食肆可以提供膠杯同膠食物盒畀客人拎走。「大嘥鬼」又話，適應期內會到不同餐廳、零售店解釋相關做法，重申市民唔會因為用受管制即棄塑膠產品而觸犯法例，呼籲絕對唔使擔心。
DONKI：為用餐區增紙盒食品
塑膠外賣盒如常供應
不過，DONKI噚日喺社交平台就話，為配合新法例，全線分店為店內用餐區嘅顧客新增紙盒包裝食品，包括壽司、熟食等，而原本塑膠外賣盒包裝嘅食品亦如常供應，並上載兩款包裝嘅食品畀市民參考。
更多港聞
【Emily】反修例期間加裝 6天橋拆圍網 交通燈保護網移除
【明報專訊】2019年反修例運動期間，政府於多條行人天橋加裝圍網，並喺交通燈加裝保護網。署理運輸及物流局長廖振新回覆立法會書面質詢表示，與警... 詳情
【明報專訊】司法機構噚日宣布，金鐘高等法院大樓由今個星期六（27日）起加強保安措施，保安檢查會擴展至所有樓層；所有進入大樓嘅法庭使用者都要接...
詳情
【Emily】24小時服務 九龍城屋邨裝自助圖書機 擬擴至區內簡屋過渡房
【明報專訊】地區團體社區關愛協會獲企業支持，同地區關愛隊合作，喺九龍城區推出「閱見未來」項目，其實係喺區內放置自助圖書機，方便居民借書。項目... 詳情
相關新聞
