【明報專訊】「維園阿伯」之一嘅許金池上周過咗身，所以噚日《城市論壇》開始之前，另一個著名嘅「維園阿伯」文浩泉就帶領在場各人默哀1分鐘。雖然許伯離開咗，但其他阿伯喺論壇入面依舊好好火，唔單止繼續鬧爆出席嘅民主黨主席劉慧卿，仲喺會後指住成日批評特首梁振英嘅自由黨黨魁田北俊，大罵「你個死仔」！ 噚日嘅《城市論壇》邀請咗劉慧卿、田北俊、公民黨黨魁梁家傑同民建聯副主席張國鈞，講「政制訴求多絞結，香港社會呈撕裂？」呢個題目。卿姐成為被指罵嘅對象就預咗，有維園阿伯更加不斷用粗口辱罵卿姐，難怪佢同另外3名嘉賓討論嘅時候，不斷強調「和平、理性、非暴力、非粗口」啦。 不過，主持謝志峰一聽到有人喺觀眾席大叫「調理農務」，就好嚴肅咁同個觀眾講，唔可以再講粗口諧音，否則就請佢出去，咁樣情况先改善咗啲。
|
| |
| |
;){kind=small}
