回應老師「飲過鉛水論」 學生鄧家彪：陳健民錯信姓戴嘅
[2017.09.19] 發表
【明報專訊】專欄作家屈穎妍日前出席公開集會時，以年前鉛水事件比喻，話佔中發起人戴耀廷恍如大學嘅鉛水喉管，將鉛水貫入學生腦內，一定要拆除；另一佔中發起人陳健民(KM)就反駁話，又唔見自己昔日嘅學生、工聯會鄧家彪去佔領，話鄧都算飲過「鉛水」。鄧家彪噚日喺facebook隔空回應老師，指KM「錯信姓戴嘅政治野心家，走錯路」。
自稱民生派 無深入了解民主
鄧家彪喺中大讀書時跟過KM寫畢業論文，阿彪話論文題目係 「探討香港露宿者情况」，邀請KM做論文導師。阿彪形容KM當年年輕友善，喺校園「稍受歡迎」，又話KM熟悉中國，對香港基層唔離地，但就錯信戴耀廷，「用犧牲法治嘅方式爭取抽空嘅民主政制，以攤牌搏鬥嘅方式與中央政府博弈。我當年探討窮人瞓街，誰料到十幾年後，你策劃瞓街」。
阿彪回想當年「無沾上鉛水」，係因為自己算係民生派，民生優先，無興趣跟隨KM深入了解民主化理論，但都衷心感謝KM嘅教導。
另外，戴耀廷同KM等「佔中9子」今日下午要就佔中案上庭。KM話收到兩封唔同嘅「問候信」：一封係粗口「問候信」，另一封係感謝KM為香港社會付出，KM話信件反映人嘅品質高下立見。民主派就呼籲支持者今日去法庭外聲援「佔中9人」。
更多港聞
【明報專訊】民建聯前排收到灣仔居民投訴，話區內街道好污糟，跟進調查發現真係堆積咗唔少紙皮，仲有啲食肆夜晚將廚餘同垃圾直接扔出街，搞到老鼠橫行...
詳情
Ariana Grande周四港開show 警大會堂反恐演習 模擬駁火
【明報專訊】美國歌手Ariana Grande將於本周四在港舉行世界巡迴演唱會，香港警方鑑於今年5月佢喺英國舉行演唱會期間發生恐襲事件，噚日... 詳情
中大書院給最高榮譽獎學金 唇讀芷君赴英深造社會政策
【明報專訊】自小弱聽、弱視，加上觸感弱，需以唇感應凸字的「唇讀女生」曾芷君，今年於中文大學翻譯系畢業，並獲獎學金赴英國倫敦大學學院（UCL）... 詳情相關新聞
