【Emily】何君堯又嚟 話Tanya腦有病
[2019.10.19] 發表
【明報專訊】立法會內務委員會噚日開會，多名民主派議員提出規程問題，要求秘書處回應大樓嘅保安安排，結果連續兩次會議選唔出主席。其間，新民主同盟范國威話上次會議民建聯蔣麗芸話佢「厚顏無恥」，係有冒犯性，要求佢唔好再講。原本主持會議嘅公民黨郭榮鏗話上次會議嘅事佢無權處理，但蔣麗芸回應時話如果范國威唔鍾意畀人用「厚顏無恥」形容個樣，咁佢會形容范「薄顏有恥」，結果引發公民黨陳淑莊(Tanya)同建制派何君堯嘅火併。
上次會議，何君堯用「食洋腸」形容議會陣線毛孟靜，畀郭榮鏗裁定係冒犯。陳淑莊提到事件，話接受訪問時記者都叫佢唔好重複有關字眼，否則出唔到街；而「厚顏無恥」4字喺2004年已被裁定係「冒犯性」字眼，但蔣麗芸仍喺會上不斷重複。
Tanya話已好番：好人一生平安
何君堯要求陳淑莊講清楚對佢嘅指控，陳話「你唔會挑釁到我，唔會因此重複你嘅說話」。何回應話，「我上星期同噚日都做咗好多嘢，我都話你腦有病啦」。郭榮鏗警告何君堯唔好侮辱同事，陳淑莊話自己已經好番，「好人一生平安」。何君堯邊步離會議室，邊向陳叫「坐監啦你」。郭榮鏗裁定要何收回字眼，但何已唔喺會議室。
更多港聞
【Emily】匿名「港大畢業生」 登報鬧人名都搞錯
【明報專訊】香港大學畢業生議會（議會）今朝（周六）召開特別會員大會（EGM），議程包括表決要求林鄭月娥辭任港大校監。開會前正反陣營都努力拉票... 詳情
【Emily】盧寵茂參選醫委 被翻立選曾撐何君堯
【明報專訊】手上有醫生聆訊同埋輸入海外醫生「生殺大權」嘅醫務委員會正改選，香港大學深圳醫院院長盧寵茂同埋皮膚科專科醫生陳衍里參選，挑戰現任委... 詳情
【Emily】匿名「港大畢業生」 登報鬧人名都搞錯
【明報專訊】香港大學畢業生議會（議會）今朝（周六）召開特別會員大會（EGM），議程包括表決要求林鄭月娥辭任港大校監。開會前正反陣營都努力拉票... 詳情
相關新聞
