【Emily】匿名「港大畢業生」 登報鬧人名都搞錯
[2019.10.19] 發表
【明報專訊】香港大學畢業生議會(議會)今朝(周六)召開特別會員大會(EGM)，議程包括表決要求林鄭月娥辭任港大校監。開會前正反陣營都努力拉票，署名「一群關心母校的香港大學畢業生」嘅人噚日喺報紙登廣告，斥事件係政治炒作。但呢群唔肯開名嘅人，連校友組織名稱都寫錯，將「畢業生議會」誤寫為「香港大學評議會」。
畢業生議會誤寫評議會
議會今日表決議程包括要求林鄭辭任校監，同埋校方管理層應支援因參與反修例運動受傷或被捕嘅港大生，議題由港大校友關注組推動提出。噚日登廣告嘅校友就話，今日EGM不符「評議會憲章」，又話議會畀人誤導、騎劫，「用作政治炒作平台」，議題超出議會職能等。
成員包括教育界立法會議員葉建源嘅港大校友關注組反駁，首先指正話HKU Convocation之前嘅官方中文名稱為香港大學評議會，但早於1996後，即23年前已正名為「香港大學畢業生議會」。關注組又話，唔明白廣告話會議違章、違規、違憲嘅指控有乜理據，但好遺憾登廣告嘅人係匿名，唔知點搵對方討論。
更多港聞
【Emily】盧寵茂參選醫委 被翻立選曾撐何君堯
【明報專訊】手上有醫生聆訊同埋輸入海外醫生「生殺大權」嘅醫務委員會正改選，香港大學深圳醫院院長盧寵茂同埋皮膚科專科醫生陳衍里參選，挑戰現任委... 詳情
【Emily】盧寵茂參選醫委 被翻立選曾撐何君堯
【明報專訊】手上有醫生聆訊同埋輸入海外醫生「生殺大權」嘅醫務委員會正改選，香港大學深圳醫院院長盧寵茂同埋皮膚科專科醫生陳衍里參選，挑戰現任委... 詳情相關新聞
