【Emily】周庭花名聖女貞德 之鋒：日人叫我「眼鏡男」
[2020.08.13] 發表
【明報專訊】警方日前以《港區國安法》拘捕10人，包括喺日本人氣極高嘅前香港眾志成員周庭。前黨友黃之鋒透露，原來周庭喺日本嘅花名係「民主女神」同「聖女貞德」，至於佢自己嘅外號就係「メガネ男」，即係「眼鏡男」，之鋒自己都忍唔住苦笑。
之鋒話，日本過往對港政策較保守、低調，香港民主派亦因語言不通、文化差異而未太觸及到日本社會，但周庭因為精通日文、熟悉日本流行文化，成為日本最出名嘅香港人，形容佢被捕對日本社會帶來嘅震撼，相比任何港人都大，喺日本新聞界眼中重要程度無異於等同某國元首駕崩。
《大公報》噚日報道周庭被捕時，就引述網民質疑佢無被鎖上手銬但雙手放背後扮有鎖。之鋒解釋，因為警察會大力捉住被捕者雙臂以防逃走，如果好似平時行路咁擺動雙臂，一定會被差人鬧，所以被捕時寧願捉住自己雙手。
另一被捕者、前學民思潮成員李宗澤都係之鋒朋友，之鋒形容佢係享受生活嘅表表者，疫情爆發前可能喺外國時間仲多過喺香港，疫情後就經常訂唔同酒店，佢話參與公共事務工作嘅人咩背景都有，唔需要將每個被捕嘅年輕人都睇得太慘，好似只得政治、冇個人生活可言。
更多港聞
【Emily】66歲牛一 繼續fb發功 CY促行會立會咪再放長暑假
【明報專訊】全國政協副主席、前特首梁振英（CY）噚日66歲生日，佢個女梁齊昕喺社交媒體發布同爸爸慶祝嘅相。梁振英牛一日仍然忙於玩facebo... 詳情
【Emily】公僕培訓網授 教埋正向抗疫 訓練主任化身YouTuber
【明報專訊】疫情下公務員在家工作安排延長到今個月16日，所有由公務員培訓處同一般職系處喺8月10至14日期間舉行嘅課堂取消晒，補課另行通知。... 詳情
【明報專訊】慈雲山係新冠病毒第三波疫情重災區，繼民建聯前區議員何漢文後，該區區議員、民主黨張茂清嘅助理早幾日亦確診。張茂清喺facebook...
詳情
相關新聞
