【Emily】林淑菁仍滯英 新同盟話度緊計仔
[2021.03.27] 發表
【明報專訊】特區政府因為英國早前出現變種新冠病毒，一直唔准14日內曾逗留當地嘅人來港，即使香港居民亦未能倖免。Emily近日聽聞，除咗觀塘區議員畢東尼之外，北區區議員、新民主同盟林淑菁都滯留英國一排、未能回港，黨友都為佢度緊計仔。Emily曾聯絡林淑菁，但未獲回覆。
新同盟輪任召集人任啟邦接受Emily查詢時話，因為林淑菁嘅小朋友打算出外讀書，上年12月佢哋去英國後，一直滯留當地，「(香港對英國)突然封關，走唔切」，正努力搵方法返港，大家都幫手諗緊計仔。至於目前區內事務，任啟邦話主要靠北區區議員、黨友陳惠達幫手睇住，其他同事都夾手夾腳、幫幫手。
被問到會唔會學畢東尼咁經第三國返港？任啟邦就話都有諗過林淑菁可唔可以經其他歐洲地方返香港，不過都要停留14日，交通亦相當亂。
更多港聞
相關新聞
