2017 年8 月19 日，某病房nursing station：「午安，今日好熱鬧喎。」
「嘉嘉，你來得正好，我們正在玩手機應用程式，叫《美圖老老》，但唔係幫你改靚個樣嗰種，而是將你整老。嘉嘉，笑─（咔嚓），然後將顏值增加五十年，哈哈！嘉嘉變了個老太婆。」
「嘻，咁似我嫲嫲，原來我老咗會和她一模一樣。」
「到Jessica 了，笑─（咔嚓），跳到十年後，咦，和現在沒有分別喎，再跳多十年，一樣沒有分別。」
「嘿嘿，本小姐不愧『凍齡美人』。」
「張醫生，幫你影幅相（咔嚓）。」
「唔好玩啦。」
「跳到二十年後，哈！ 咁似梁教授，尤其個肚腩，簡直倒模一樣，果然係接班人。」
「唔係吖嘛，我靚仔過佢咁多。」
「余醫生，望這邊（咔嚓），然後校到十年後，消失咗嘅？跳到兩年後，都係冇嘢睇，兩日後，仍然冇嘢睇，一日後，咦……」
「點唧？有結果了嗎？」
「唔好玩嘅，做嘢先。」
2017 年8 月20 日，同一病房nursing station。
「借部手機嚟吖，我要上網查啲嘢……嘩，你做乜收埋幅無頭喪屍相？好核突呀！話時話，今日好似唔覺余醫生返工。」
「……」
「大件事喇！大件事喇！余醫生上班途中遇到交通意外，被巴士捲入車底，頭部更遭輾過，死得好慘！」（完）
