【明報專訊】位於沙田瀝源廣場�鵅u富東閣海鮮酒家」宣布月底結業，�鐪acebook感謝顧客過去風雨不改長期光顧。帖文未有講結業原因，富東閣職員就向Emily表示結業因經濟問題，話今年生意轉差，入座率經常唔滿。酒樓經理向有線新聞表示，酒樓因為租金太貴、開支太重，老闆捱唔住，又讚老闆係「良心老闆」，從來冇拖欠員工一分一毫，相信老闆對結業會有安排。

經理讚老闆有良心

富東閣前晚�鐪acebook宣布將於本月30號結業，表示「今日一別，可能後會無期！山高水長，各自珍重！有緣再會！」瀝源廣場為領展旗下商場，領展回覆查詢時話，前晚先發現富東閣�鰝壎瘣C體宣布結業，並指雙方租約尚未到期，會積極聯絡商戶了解善後安排。

富東閣曾被《文匯報》點名為「黃店」，其片皮鴨菜式廣受歡迎，曾有唔少民主派議員組織市民團購，結業消息一出，大批網民留言表達不捨。富東閣開業多年，去年5月於facebook表示經營困難，指港人消費模式改變，生意較新冠疫情時下跌四成，並提到領展要求酒樓斥資更換日久失修�鴭蛣P先可續租，並輕微上調租金。