【明報專訊】今個星期五(20日)係「世界難民日」，聯合國難民署當日起至7月6號舉行「慈善難民電影節」。今年電影節挑選3部電影，其中前年獲「DOC NYC」(紐約紀錄片電影節)評審團大獎嘅紀錄片《梅迪哈：尋親實錄在線》，講述少女梅迪哈同弟弟逃離恐怖組織「伊斯蘭國」(ISIS)奴役後，努力重建生活、尋找失散家人嘅真實故事。 另外兩部電影分別係講述敘利亞家庭搬到加拿大過新生活嘅《阿爸的可可魂》，同烏克蘭家庭由旅客變成難民嘅《哪一天我們會飛回家》，每張戲飛100元。難民署話，所有收益會用喺支持救援工作。 其中下月5日喺亞洲協會香港中心放映嘅《哪一天》設有映後分享會，邀請咗導演劉國瑞及黃修平分享用社會議題創作嘅見解，仲有聯合國難民署職員講述前線經歷。觀眾可以選購250元嘅「慈善特別套票」，喺現場換領難民手工製嘅手鏈。
|
| |
| |
;){kind=small}
;)
