周融唔計數
愛港之聲反佔中簽名
[2014.07.15] 發表
【明報專訊】「愛港之聲」前日舉行反佔中、撐警察遊行，乘機收集市民反佔中簽名，主席高達斌聲稱收到5000個簽名，話打算轉交畀「保普選反佔中」大聯盟召集人周融，支持大聯盟今個星期六舉行嘅反佔中簽名行動。但可惜大聯盟唔領情，話簽名唔計數喎。
大聯盟噚日發聲明話好欣賞愛港之聲反佔中嘅立場同努力，不過，「保和平保普選反暴力反佔中簽名行動」未開始，所以根據大聯盟要求同規則，愛港之聲收集到嘅簽名唔可以併入大聯盟簽名行動嘅統計之中。
大聯盟亦乘機話愛港之聲可以喺短時間內收到5000個市民簽名，證明市民對反佔中反應熱烈。
更多港聞
相關新聞
