黃之鋒收高達生日禮物
[2014.10.18] 發表
【明報專訊】剛過去嘅星期一(13日)係學民思潮召集人黃之鋒18歲生日，雖然要喺佔領行動中度過，但噚日有市民送「遲來的生日禮物」畀佢。呢份禮物係「六合一高達模型套裝」，相信好合佢心意，事關佢噚日即刻喺金鐘集會現場砌好其中一個迷你版高達，仲有「型仔」合照(圖)。
佢之前曾將砌好嘅高達模型照上載Facebook；又話警方上個月去佢屋企搜屋，連未砌好嘅高達模型都唔放過，仲反問警方係咪以為盒高達有「大殺傷力武器」。佢話好感謝市民關心，希望大家繼續堅持。
更多港聞
相關新聞
