那些年拜仁險簽阿古路 馬加夫：佢實在太懶﹗
[2014.11.29] 發表
阿古路日前在拜仁慕尼黑身上大演帽子戲法，在歐聯入球率逼近「宇宙級」的美斯和基斯坦奴朗拿度，這個曼城前鋒勁到咁，列強一定很想要吧。之不過世事就係咁諷刺，原來拜仁在2006年就有機會買下17歲嘅阿古路，但當時總經理漢尼斯及教練馬加夫一口拒絕，原因？「太懶﹗」
阿古路今季一個人撐起曼城，有網站戲稱他是「世上第3最佳球員」的最有力候選人(頭兩名不用爭吧！)但世事就係咁巧合，被阿古路連入3球擊敗的拜仁慕尼黑，原來當年極有可能收購這個明日之星。事源在2006年，17歲嘅阿古路尚在阿根廷獨立隊效力時，拜仁係全歐洲首支對阿古路有興趣的球隊，但獨立隊索價1200萬鎊，數口極精嘅拜仁總經理漢尼斯當然拒絕。
路明尼加力薦收購
不過主席路明尼加對阿古路評價極佳，當時佢話﹕「他不是平價貨，但佢實在好有天分。我哋必須在意大利及西班牙人出手前買到佢，否則日後一定係天價。」漢尼斯亦不欲走寶，決定前往阿根廷考察，但睇完1場波後再次say no，話「隊友已經在熱身，但佢依然挨住欄杆『hea』，他全場唯一做的事就係射入奠勝12碼」。而佢亦有諮詢當時教練馬加夫嘅意見，後者山長水遠飛去阿根廷睇波後都得出同一個答案﹕「唔好嘥時間喇﹗睇一個全場企定定喺度嘅球員實在係太嘥時間。」據悉拜仁最後只係出價400萬鎊，結果當然畀獨立隊當笑話啦，轉頭就將阿古路以2300萬歐元賣畀馬德里體育會。
至於最近關於阿古路都有另一個笑話，就係歐洲足協公布了今季最佳陣容的候選名單，而阿古路竟然名落孫山。阿古路勁唔勁就好主觀，有人覺得佢在世界盃毫無表現，在曼城又易傷，但客觀上佢踢18場入17球，假如效力薩爾斯堡紅牛的約拿芬蘇利安奴都入選，咁阿古路落選就實在叫人?頭。
更多體育
相關新聞
