被問社會情况 梁太：要食晒啲嘢
[2014.12.01] 發表
【明報專訊】特首梁振英(CY)認為佔領運動發生係因為青年工作做得唔好，佢太太唐青儀噚日出席「齊惜福」減少廚餘活動時，亦被記者問到點睇目前社會情况，有無乜嘢建議，梁太就話﹕「最緊要食晒啲嘢，做我哋應該做嘅事！」
「齊惜福」噚日舉辦「勿膳忘」剩食食譜設計同烹飪比賽，鼓勵市民善用保鮮期短嘅食材設計食譜，製作綠色佳肴。一直努力推廣惜食文化嘅梁太有出席，仲即場試食兩個入圍作品「番茄香草青口」同「番茄蟹肉意大利雲吞」，大讚好好味。梁太特別準備咗喺禮賓府自家種植嘅小蘿蔔送畀兩名勝出者，佢話呢啲蔬菜噚日朝早新鮮採摘㗎。
不過，梁太同一般女士一樣，唔係好習慣喺鏡頭前食嘢，佢不時都邀請記者朋友一齊食，話唔好掛住影佢食嘢嘅相。
更多港聞
【明報專訊】財政司長曾俊華噚日嘅網誌，講最近熱爆嘅社企認證標誌「SEE Mark」，佢引述哈佛商學院學者話，財富過度集中等問題威脅緊資本主義...
詳情
【明報專訊】為讓學生愉快學習英語，各校教師花盡心思。沙田官立中學每年舉辦最少4次英語日（English Speaking Day），教師及高...
詳情
相關新聞
