律師會改選 傳媒聚會表明用廣東話
[2015.05.15] 發表
【明報專訊】律師會噚日舉行周年大會改選，今年共有7個現任理事「夠鐘」退任騰出空缺，除咗前會長林新強決定唔再選理事，其餘6個退任理事再爭取連任，而人權律師帝理邁(Mark Daly)報名參選理事，最後7人喺無競爭下順利當選。至於正副會長成功連任，會長由熊運信連任，兩個副會長分別為蘇紹聰同彭韻僖。
正副會長成功連任
新一屆正、副會長下星期一會安排會長同副會長同傳媒聚會，Emily噚日見到通知附註一句，「傳媒聚會以廣東話進行」，忍唔住笑咗，諗起曾經唔肯用英文重複回答記者嘅前會長林新強。律師會公關同Emily解釋，因為傳媒聚會只得半個鐘，要爭取時間畀記者問多啲問題，所以會長開場發言會用廣東話。不過，如果有英文問題，佢地都會用番英文答。
更多港聞
相關新聞
