表決前提方案 黃成智否認交功課
[2015.06.15] 發表
【明報專訊】立法會審議政改表決進入最後倒數，仲係民主黨黨員嘅黃成智噚日開記招再提政改方案。臨門提方案係咪為向「阿爺」交功課？成智反問Emily點解咁講，仲問Emily係咪知道中央畀咗功課佢？不過佢強調無任何團體或背景驅使佢哋推呢個政改方案。
成智噚日同幾個前任同現任民主黨員一齊開記招，唔知嘅仲以為佢哋搞敘舊。記招一開始，已退黨嘅民主黨前總幹事陳家偉就講明，與政黨有關嘅問題一概唔答。
成智噚日提出嘅政改方案建議將1200名提委中嘅612個席位，改為個人票產生，公民黨湯家驊噚日喺facebook話，呢個方案同佢13年前提出嘅方案如出一轍，只係少咗直選元素，佢仲話如果當日民主黨支持佢嘅方案，可能今日不會到此田地。
更多港聞
【明報專訊】一項調查發現，父親無論在參與管教或了解子女生活的程度均較母親低，與子女的關係亦較疏離。負責主理研究的理工大學應用社會科學系講座教...
詳情
相關新聞
