【明報專訊】特首梁振英噚日喺facebook透露，上星期與近30名小學生會面，席間分享佢難忘嘅回憶同置業史等，形容「和小朋友聊天是我最享受的活動之一」，除咗同小學生交流，CY仲帶咗兩隻狗嚟同學生互動，𧨾得佢哋好開心。 有同學仔問梁振英童年有咩難忘回憶，CY就講自己細個穿膠花，「嗰時小學五、六年級，孭幾十公斤膠花好重……行去送(膠花)時，大概要停兩三次，因為太重太攰」，佢又指吓自己右邊膊頭，話因為孭膠花孭到右邊膊頭闊咗喎。 有同學仔問邊個對佢人生影響最大，CY就話係媽媽，「我阿媽好勤力穿膠花，一個月搵300幾，儲起佢，儲咗幾年，到(當警察的)爸爸退休時，再加上爸爸退休金，就可以買樓喇，就解決自己住嘅問題。所以呢個係我媽媽影響我最大嘅一方面。另一方面，就係香港人自力更生嗰啲嘢，盡量靠自己」，佢仲提醒同學要「記住(對父母)感恩」。
|
| |
| |
;){kind=small}
;)
