【明報專訊】綠領行動今年連續第8年舉辦「利市封回收重用大行動」，今年嘅活動得到57間企業支持，回收點逾500個，主辦單位期望回收到800萬個利市封重用。市民可以由即日起到22號，去各個地點回收，一盡環保責任。 即日至22號 500回收點 呢個計劃目的係鼓勵企業喺源頭減印減派，採納簡約設計嘅利市封，呼籲市民避免濫用新利市封，培養回收及重用「新生利市封」嘅習慣。各個利市封收集箱遍佈港九新界逾500個商場、馬會投注站、屋苑、醫院及銀行等。 綠領行動總幹事何漢威話，港人每年用3.2億個利市封，等於砍伐16,300棵樹，相當浪費。喺舊年回收嘅利市封當中，逾400萬個新生利市封已於新年前派晒，佢呼籲市民積極參與保護環境。
|
| |
| |
;)
