【明報專訊】民建聯作為全港第一大政黨，黨內嘅政策副發言人都人才濟濟。噚日黨主席李慧琼(Starry)帶領約30個政策副發言人一齊見記者。𠵱30個副發言人非常多元，有學生、商人、律師、教師、社工等。Starry話，黨內非常重視副發言人，話𠵱家嘅唔少黨領導層同立法會議員都曾經係副發言人。 30個政策副發言人嘅平均年齡係28.5歲，但就男多女少，只有4位女士。30人分別負責經濟、食衛、司法、政制、房屋、交通、社福，以及保安等範疇。Starry話，做政策副發言人要夠貼地，結合地區工作、要主動積極，以及全人發展，唔能夠只係了解單一政策，要多留意唔同範疇。 民建聯喺2004年設立政策副發言人制度，為黨內有志從政嘅新人提供培訓，例如出席立法會公聽會、同傳媒打交道，同認識社會各界。李慧琼、張國鈞、周浩鼎、劉國勳等民建聯立法會議員，都曾經係政策副發言人。
|
| |
| |
;)
