【明報專訊】《明報》喺第38屆國際新聞設計協會(The Society for News Design, SND)「最佳報章設計」大賽中奪得3個卓越獎(Award of Excellence)，真係可喜可賀，Emily喺度恭喜得獎手足。 攝旺角衝突台南地震獲嘉許 3個卓越獎中，有兩個係照片獎項，其中一個獎係2016年大年初一至初二期間爆發嘅旺角警民大衝突，攝記馮凱鍵企喺手持盾牌嘅警員後面，捕捉到警員與示威者對峙場面，氣氛緊張，呢張相於2月10日年初三見報。另一個照片獎，係來自2016年2月7日見報嘅台灣南部6.4級地震，多幢樓房倒塌，其中16層高嘅維冠金龍大廈橫臥倒塌，被質疑係豆腐渣工程，攝記楊柏賢以居高臨下嘅角度，拍攝到震撼人心嘅畫面。 最強人體透視奪版面獎 至於體育組別特別版面設計卓越獎，係由「最強人體透視」系列奪得，該系列以圖解方式，分析世界級運動員如何天賦異稟，例如飛魚菲比斯嘅身體特徵，包括超長手臂、身長腳短、腳踝柔韌等，讓讀者一目了然。
|
| |
| |
;){kind=small}
;)
