【明報專訊】以「同行WE CONNECT」為競選口號�麊L鄭月娥，前日以777票當選新一屆特首，林太即日與競選辦成員�鬺g悅酒店搞慶功宴，有50至60人出席，出席者不乏年輕人，原來仲包括前學民思潮成員。

前學民思潮召集人、現任香港眾志秘書長黃之鋒同Emily講，確認前學民思潮成員李俊霖係慶功宴出席者之一。之鋒話李俊霖於2013年已被開除學民思潮會籍，但佢對李投向建制陣營仍非常失望，認為「見風駛舵」比一開始已係建制陣營更可怕，佢會提醒自己唔好變成咁樣。之鋒又話，李俊霖曾投入雨傘運動，當年亦反對國民教育，而反國教最大對手就係時任政務司長林鄭月娥，質疑李係咪對得住過去相信�麉H念。

Emily致電李俊霖查詢，但佢話唔接受訪問便掛線。李俊霖2012年曾以學民思潮義工身分接受傳媒訪問，當時佢批評特首梁振英「玩弄語言偽術」、用人唯親等。