AY羅冠聰 電競賽獻技
[2017.04.15] 發表
【明報專訊】電子競技(電子遊戲比賽)近年喺香港開始受關注，一向關心電競發展嘅香港眾志羅冠聰，近日就同公民黨黨魁楊岳橋(AY)拍片，預告兩人今日會喺理工大學參加《英雄聯盟》表演賽。
AY片中向大家解釋「打機」同電競嘅分別，佢形容電競係發展潛力好高嘅行業，政府應該用正面方法，話畀大眾聽電競就如體育運動，打機打得叻有前途，可以代表香港出賽，政府最緊要令電競入屋，扭轉大家對電競等於「衰仔打機」嘅形象。
羅冠聰就認為，電競除咗「盛事化」亦要融入本地社會，舉辦中小型比賽培養本地隊伍，否則就只會變成旅遊項目，曇花一現。佢話，如果能夠將打機愛好者變為電競支持者，睇比賽之餘願意買周邊產品，就可以令產業蓬勃。兩人今日亦會喺理大出席論壇，傾吓電競發展。
更多港聞
【明報專訊】立法會發展事務委員會組團考察東江水兩日，無（回鄉）證嘅社民連梁國雄（長毛），早前攞到一次過嘅通行證，噚日朝早同其他議員一齊成功過...
詳情
【明報專訊】去年落選立法會嘅前議員黃毓民，噚日喺facebook貼出8000字長文，表明自己會「向政治說再見」，「不再從政，退出政壇；包括不...
詳情
相關新聞
