城大助考試減壓 導盲犬訪學生宿舍
[2017.12.16] 發表
【明報專訊】踏入大學嘅考試季節，繼香港大學嘅古代牧羊犬Jasper同埋科技大學嘅金毛尋回犬Oscar擔任治療犬，幫學生減減壓，城市大學日前同香港導盲犬協會合作，一連3日帶導盲犬去到學生宿舍同學生互動兼影相，令宿舍充滿歡樂嘅笑聲。 城大呢個叫做「考試加油站×考試減壓站」嘅活動，吸引過千宿生參與，香港導盲犬協會安排兩隻導盲犬，去到學生宿舍嘅草地同學生互動，仲免費提供水果、雜豆等小食為學生打打氣，注入正能量。
城大宿舍處處長林健話，導盲犬久經訓練，加上品性馴良，容易令人放鬆心情，係學生嘅減壓良伴，計劃下個學期將活動發展成每月恆常活動，甚至引入其他動物去到宿舍，令學生有更多同動物互動嘅機會，平衡下壓力同埋豐富舍堂生活。
更多港聞
【明報專訊】沙田區議會內11個民主派區議員成立咗一個地區組織「沙田區政」，希望凝聚區內民主派力量，特別係畀一班獨立議員可以加強合作。
...
詳情
相關新聞
