木棉樹半葉半花 林超英：大自然警告
[2018.03.16] 發表
【明報專訊】全球暖化引起關注，前天文台長林超英噚日就出咗篇網誌，話屋企附近嘅木棉樹雖然有開花，但就只係得返半棵樹有，同以前盛開嘅情景唔同，形容係氣候變化衍生嘅現象。
林超英話，木棉應該係「秋收冬藏」，即係喺冬天嗰時樹葉凋謝，儲存能量，留喺春天嗰時就開花，展現出英雄樹嘅英姿。佢話𠵱家冬天唔夠凍，樹葉唔枯萎，唔凋落，反而留喺樹上面，令到春天開花嗰時能量不足，形容係唔成體統嘅半樹綠葉、半樹紅花。
林超英話雖然今年嘅1月同2月比較凍，有人可能會因為咁，質疑氣候暖化嘅說法，但佢強調，氣候暖化係全球現象，單睇香港幾日寒冷，唔可以代表長期全球氣候嘅變化趨勢，仲話木棉唔似人類識講大話，佢嘅紅花就話畀我哋知，氣候已經變咗，提醒我哋要好自為之。
更多港聞
特稿：英華台灣取經推廣閱讀 高雄圖書館啟發 推圖書福袋
【明報專訊】圖書中蘊藏無數知識，不少家長費盡心機，盼建立小孩閱讀的興趣，惟「全球學生閱讀能力進展研究」去年公布，顯示香港僅36%學生的閱讀興... 詳情
【明報專訊】2018/19學年《財政預算案》預留25億元成立學生活動支援基金，取代香港賽馬會全方位學習基金。有校長指現有的全方位學習基金資助...
詳情
相關新聞
