因為小鳳姐 林太再訪英華小學
[2018.10.13] 發表
【明報專訊】特首林鄭月娥噚日到訪直資男校英華小學，Emily聽校長林浣心講，林鄭2014年做政務司長時參觀過，今次重遊舊地係因為「小鳳姐」。事緣林太9月睇「金光燦爛徐小鳳演唱會2018」時，見到有小學生奏樂，對佢哋嘅演出讚不絕口，細問下，知道佢哋係來自英華小學管弦樂團、中國鼓隊、合唱團，於是促成咗噚日嘅參觀。
林太今年《施政報告》教育範疇其中一項政策新猷就係全方位學習津貼，鼓勵學校將學習空間從課室延展到其他環境。林校長話學校一直着重學生全方位學習，噚日就帶特首參觀學校課外活動，包括游泳、田徑、乒乓球、排球和舞蹈等，及學習英語朗誦、科學和視覺藝術?小組；林校長引述林太話好欣賞同學仔?唔同範疇都表現優異，仲邀請咗學校嘅高級管樂團喺下月禮賓府開放日表演。
更多港聞
【明報專訊】民建聯立法會議員葛珮帆（EQ）一直關注打擊象牙貿易，英國環境大臣高文浩（Michael Gove）近日喺倫敦宣布同全球多名政治領...
詳情
相關新聞
