【Emily】林鄭到鄉議局 藍衫白衫人牆相護
[2019.10.12] 發表
【明報專訊】鄉議局噚晚舉行新一屆就職典禮同國慶酒會，特首林鄭月娥同中聯辦主任王志民出席並主禮。因有網民號召包圍鄉議局大樓「贈興」，一度傳出林太同王志民會缺席。鄉議局噚晚派出大批藍衫同白衫人喺外圍做「人牆」維持秩序，記者亦只能企喺人牆外，離遠睇住嘉賓入場。噚晚亦有黑衣人喺大樓外聚集，嗌「光復香港」等口號。
鄉議局大樓早排成為示威目標，受到破壞。噚晚佢哋閉門搞就職典禮同國慶酒會，場內依舊鑼鼓聲響。上水區鄉事委員會主席侯志強接受傳媒訪問時話唔驚被衝擊，出入自如。場外保安嚴密，有警員巡邏駐守，林太同王志民逗留半個鐘，之後喺鄉議局主席劉業強陪同下登上座駕離開。
更多港聞
【Emily】Madam張再出場 柔聲回應中大女生
【明報專訊】Emily每次睇4點鐘警察記者會，見到一班中年阿sir，真係睇到悶。喺一眾剛陽氣中，噚日聽到家庭衝突及性暴力政策組嘅總督察張寶月... 詳情
相關新聞
