【Emily】叫阿媽勿落區 葉劉阿女怕做孤兒
[2019.11.22] 發表
【明報專訊】立法會噚日繼續辯論休會待續議案，討論點樣確保周日區選安全順利舉行。建制派發言時繼續力數近日暴力事件，話候選人及拉票者都有人身安全風險，其中行政會議成員、新民黨主席葉劉淑儀發言時更提到，佢個女都叫佢唔好落區助選，「因為佢唔想做孤兒」，佢都同阿女講唔會咁誇張，阿媽亦會好小心。葉太愛女Cynthia今年30歲，一直都好關心媽咪。
葉太形容，修例風波令新民黨損失兩個區議員，一個退黨，另一個更結束咗政治生涯，並透露對方同佢講唔會再參選時，係去一個公園同佢喊住咁講。葉太話，現時落區為黨友拉票「每一個點都唔會逗留得耐」，因為好快就會有人包圍佢，曾有高大青年指罵佢，𠵱家會盡量隔籬左右都睇真啲，背脊盡量貼牆。
民建聯葛珮帆發言時就話，該黨有候選人曾被10個著校服嘅中學生圍住打，但佢無透露詳情，又話民建聯辦事處被破壞，破壞者「特登剪斷啲電話線、上網線」，好多人見到唔識嘅來電都唔接聽，辦事處被破壞令佢哋打唔到畀選民通知投票。
更多港聞
【明報專訊】前香港民族黨召集人陳浩天上年出席香港外國記者會（FCC）演講一事，令呢棟建築物成為風眼中心。Emily留意到，全國政協副主席、前...
詳情
【Emily】謝子和擊敗管浩鳴 膺港島教區繼承主教
【明報專訊】聖公會香港島教區噚日舉行教區議會特別會議，選舉教區繼承主教。高調協助台灣殺人案疑犯陳同佳嘅教省秘書長管浩鳴（右圖）落敗，繼承主教... 詳情
【明報專訊】前日（20日）有學生阻礙港鐵列車車門關閉及影響列車運作，校方向學生記過處分。教育局長楊潤雄昨表示，學生不應參加校外的政治活動，表...
詳情
相關新聞
