【Emily】參與「心光傲行」 陳肇始體驗盲行
[2019.12.09] 發表
【明報專訊】心光盲人院暨學校噚日舉辦第四屆「心光傲行」步行籌款，支持發展支援視障者服務，食物及衛生局長陳肇始同平機會主席朱敏健亦有出席。大會安排嘉賓以蒙眼方式喺開步禮出場，以提高佢哋對視障者嘅同理心。朱敏健致辭時就形容，參加今次活動就好似經歷心靈啟迪之旅，話每日工作都會經過心光機構，但就未真正了解視障者嘅實際經歷，呼籲社會人士要有更多同理心，盡量理解視障者。
陳肇始致辭時話，曾經同幾個視障畢業生閒談，了解佢哋就業情况，亦鼓勵僱主包括政府畀機會視障者，佢話轄下部門例如衛生署、醫管局、食環署、漁護署等，一直宣揚傷健共融理念，如設立無障礙設施，政府會繼續帶頭推動相關工作。
更多港聞
【Emily】唐樓群活化 「618上海街」商戶試業
【明報專訊】位於上海街600至626號，有近百年歷史、毗鄰旺角朗豪坊嘅一排唐樓，市建局花4年保育同活化，上月完成工程，命名「618上海街」，... 詳情
【明報專訊】香港大學有13名學者被選錄為「2019年度最廣獲徵引研究人員」，人數是香港院校中最多。按港大資料，該13人中，7人具內地學術背景...
詳情
相關新聞
