【Emily】做過互聯網公司GM 唔做議員 莫乃光被獵頭做AM
[2020.07.24] 發表
【明報專訊】莫乃光(Charles)早前宣布唔會競逐連任立法會資訊科技界議員，噚日佢喺facebook上載一封獵頭公司畀佢嘅信，笑言「咁快就知我要搵工？」該信開頭好親切咁問候「Charles最近好嗎？」，內容係該公司正為其客戶搵有經驗嘅銷售員，話搵「AM or SM」(即助理經理或高級經理)，客戶係一間軟件公司。仲叫佢如果有SOA-QPS經驗，即政府「優質資訊科技專業服務常備承辦協議」嘅服務經驗，就寄履歷畀佢哋。
獵頭公司話係自動寄畀所有人
做咗8年議員嘅Charles，之前曾任互聯網公司嘅總經理。佢份履歷咁亮麗，該職位可以話係大材小用喇。不過，Charles同Emily講，十幾年前都有幫公司競投過呢類政府外判合約，但過咗十幾年，世界變得咁快，笑言「擔心自己唔勝任」。
Charles話獵頭公司聲稱係自動send招聘廣告畀LinkedIn所有人，「真想話佢知今時今日咁嘅態度唔得架喇」。佢同Emily講其實係講吓笑，唔會咁教訓人，但話用得LinkedIn一般都係睇吓對方條件啱唔啱，然後先send信畀人，唔會咁樣亂send。
更多港聞
【Emily】紀錄片打溫情牌 被爆牙督察：真係咁憎我哋？
【明報專訊】香港警察趁反修例風波一周年，發布以佢哋角度拍攝嘅紀錄片《暗夜星辰》，片中記錄多名警務人員喺上年8月至12月大規模群眾運動期間嘅心... 詳情
【Emily】霍啟剛選體演文出 拖實晶晶見記者
【明報專訊】全國政協委員、港協暨奧委會副會長霍啟剛噚日報名參選立法會體育、演藝、文化及出版界，報名之後同太太「跳水皇后」郭晶晶十指緊扣見記者... 詳情
【Emily】檢測量為何遜星澳 蔡堅：特首唔同
【明報專訊】71歲蔡堅上星期一「回朝」重掌香港醫學會會長一職，噚日開記者會時相當精靈。有記者問點解澳門可以每日檢測1萬次，新加坡檢測量有2萬... 詳情
【Emily】收警宿居民投訴 黃虹銘：做嘢均真同樣關心
【明報專訊】屯門悅湖區議員、民協黃虹銘噚日喺facebook公開寫信畀「警察宿舍一名熱情的居民」，事緣佢早前收到民政處信件，話收到一個警察宿... 詳情
相關新聞
