【Emily】政府停發開支 許智峯議辦關門
[2021.01.20] 發表
【明報專訊】立法會前議員許智峯流亡海外，理論上仍係區議員。佢噚日就於社交媒體公布，喺中區嘅議員辦事處都關門，仲鬧係政府偏離程序，提早停發佢區議員辦事處營運開支，令議辦要提早終止運作。民政事務總署承認，喺許智峯上月3日於社交平台宣布「流亡」後，民政事務局認為有需要停發放該日之後嘅酬金津貼，以確保符合《有關香港特區區議會議員酬金、津貼和開支償還款額安排的指引》要求，確保公帑善用。
許：偏離程序 民政局：善用公帑
許智峯向「中環選區居民」發公開信，解釋關閉議辦原因，佢話自己扎根中環超過10年，中環係佢從政起點，感謝所有曾支持、投票畀佢嘅市民，又話暫別街坊好友，唔捨得多年情誼，唔捨得喺街頭寫揮春贈街坊嘅時光。佢話難忘喺蛇宴上、旅遊巴上共唱《光輝歲月》、《一點燭光》嘅點滴，「能平淡地在街頭與大家噓寒問暖，原來已是多麼美好」。
許智峯話，如果中環選區將來仍有補選，佢期望繼任人除咗會實幹為社區做事外，更會係一位以良知分辨黑白、勇於講真話、忠誠於理念而非政權嘅人。
更多港聞
【明報專訊】一年一度嘅人大政協兩會傳統喺3月舉行，上年因疫情問題而延至5月，今年兩會則恢復於3月初，仲有大約個半月時間，中央當局近日就安排港...
詳情
【Emily】昂坪360派暖包暖褲 寒夜保護維修員
【明報專訊】近期天氣寒冷，有啲工種需要抵住寒風工作，例如昂坪360纜車維修團隊嘅前線維修技術人員都要繼續工作，確保纜車安全。之前昂坪彌勒山夜... 詳情
【明報專訊】青年發展委員會噚晚舉辦網上政策專題會議，討論青年出路，政務司長張建宗、民政事務局長徐英偉等官員，喺活動上都大力唱好大灣區有好多機...
詳情
相關新聞
