【Emily】鄭泳舜話羅致光喺冥王星 叫副局帶佢返地球

[2021.02.27] 發表

【明報專訊】立法會小組委員會噚日討論「銀齡卡」，勞工及福利局長羅致光(圖)再被炮轟。民建聯鄭泳舜不滿，話60至64歲2元乘車優惠計劃遲遲未有落實時間表，批評羅離地，「羅致光局長唔係喺火星，佢喺冥王星，佢完全不食人間煙火」。

叫局長「講人話」落吓區

鄭泳舜話基層生活喺水深火熱，但羅致光對於乘車優惠、銀齡卡等計劃嘅回應好慢，而且唔做失業援助金。鄭泳舜話市民覺得非常憤怒，要求羅到立法會交代。鄭泳舜仲叫局長「講人話」交代計劃進度，「局長可否得閒落吓區？我諗佢都係香港人，可唔可以落吓區，感受一吓民間疾苦呢？」

噚日出席會議嘅係勞工及福利局副局長何啟明，鄭泳舜叫對方帶局長返地球，「(副局長)你係地球人嚟嘅，唔該你諗個辦法，捉番個嗰喺冥王星嗰局長(返嚟)，坐穿梭機又好、火箭又好……等佢(羅)知道地球發生緊咩事」。

更多港聞

【明報專訊】噚日立法會內會會議尾聲，建制派議員謝偉俊提出討論「其他事項」，話要多謝立法會副秘書長梁慶儀多年來為立法會努力，噚日係梁慶儀退休前... 詳情

【明報專訊】政府鼓勵香港青年到大灣區發展，特首林鄭月娥噚日話，「大灣區青年就業計劃」上月初開始接受僱主申請，至今已有約200間企業登記表示有... 詳情