【Emily】旅發局宣傳 向台媒寄菠蘿油味心意卡
[2021.03.22] 發表
【明報專訊】新冠病毒疫情令全球旅遊業陷入冰封狀態，但旅發局繼續做唔少宣傳，希望疫情一完旅客再嚟香港玩。旅發局話，近排向台灣傳媒同旅遊業人士送上心意卡，上面附有菠蘿油、奶茶等港式地道美食嘅香味，勾起佢哋對香港嘅回憶。旅發局亦向東南亞傳媒同網絡紅人送上虛擬實境(VR)眼鏡，等佢哋戴住嚟睇旅發局有關香港旅遊嘅宣傳片，安坐家中都可以「遊覽」香港。
總部全員出動檢視景點
旅發局又話，局方總辦事處嘅員工嚟緊會全體出動，考察全港共150個景點、旅遊設施等，總幹事程鼎一都會參與。旅發局員工會以旅客嘅角度檢視旅遊設施，例如路牌夠唔夠清晰、有冇為殘疾人士提供足夠支援，連公廁情况都會記錄，希望可以畀番意見去改善景點設施。
更多港聞
【明報專訊】自2月下旬新年假期後，學校教員如每14天接受檢測，可向教育局申請全校恢復半天課。申請數字逐步增長，局方最新回覆再多300多間，共...
詳情
【明報專訊】學校如想申請全校復課，須安排教職員定期檢測。有津貼中學校長反映，教師難抽空到檢測中心，教育局亦拒絕向全校職員提供樣本瓶，學校已預...
詳情
創地球朱古力籲珍惜環境 ICI畢業生勝港區世界賽
【明報專訊】國際廚藝學院（ICI）西式包餅及糖藝文憑畢業生趙嘉雯去年參加「世界技能大賽香港代表選拔賽」的 「西點製作」項目，其中一個回合要求... 詳情
相關新聞
