【Emily】鍾翰林獄中信：囚友好奇周庭係咪靚
[2021.04.03] 發表
【明報專訊】《港區國安法》被告、現時19歲嘅「學生動源」前召集人鍾翰林(圖)，已經喺獄中生活超過4個月，佢嘅facebook噚日上載佢首封獄中信報平安，佢話仲記得第一日入獄，囚友都對佢投以好奇目光。佢又講到同囚友相處，話有啲囚友會問及相對有趣嘅問題，例如「周庭係咪真係好靚㗎？ 」、「游蕙禎係咪真係同梁頌恆有路㗎？」等。
感激追車師旁聽師 感動眼濕濕
鍾翰林喺信中話，喺監獄冇太大恐懼同唔適應，4個月以嚟未見過飯餸有「任何一隻曱甴(啡色嗰啲)同埋老鼠」，最難適應嘅係集體生活。佢話有留意呢幾個月新聞，最難受係不斷見到社運好友相繼被捕、還押、甚至被迫流亡海外。佢又話非常感激每個「追車師」，「有時真係感動到好眼濕濕」，仲有「旁聽師」坐爆庭。
牆外手足寫信撐還押者
「35+大搜捕」被捕人之一、民主黨尹兆堅還押逾月，單獨喺「水飯房」囚禁，牆外嘅手足用不同形式支援，黨友韓俊賢噚日喺青衣派寫信套裝畀市民「寫信撐阿尹」，有市民喺尹兆堅facebook留言「尹生，加油呀！我哋唔會忘記你為香港人所受的苦」。
有小朋友寫信畀「35+大搜捕」另一還押者、新民主同盟范國威(Gary)，喺信上畫埋Gary人像，問候Gary身體情况，話「縱然不及在家裏那麼舒服，求天父給您平安和盼望」，抄上《聖經》詩篇23:4：「我雖然行過死蔭的幽谷，也不怕遭害，因為你與我同在，你的杖、你的竿都安慰我。」
更多港聞
【Emily】人權新聞獎最佳新聞圖片6強 明報佔3
【明報專訊】2021年「人權新聞獎」公布今年一人一票「最佳新聞圖片獎」候選名單，評委揀選咗最後6強畀大家投票，明報攝影記者佔3席，公眾可即日... 詳情
【Emily】《鏗鏘說》劉智鵬做主持 訪問梁文韜
【明報專訊】香港電台早前一度傳出管理層嫌《鏗鏘說》節目主持蘇玉華「太黃」，要求撤換主持。其後有傳民建聯成員、前荃灣區議員林琳接棒做主持，但結... 詳情
【Emily】美食節禁試飲試食 商戶改「外賣」
【明報專訊】新冠疫情反覆，原定去年底舉行嘅「冬日美食節」變成「春日美食節」，延期至噚日喺灣仔會展開鑼，但令人垂涎三尺、最能吸引人流嘅即場試食... 詳情相關新聞
