【Emily】九社聯推暑假青年實習創業資助
[2021.05.13] 發表
【明報專訊】選委會組成大變，九龍社團聯會有份選出「基層社團」嘅60席。九社聯噚日公布兩項幫後生仔就業嘅計劃，其中喺暑假舉行嘅青年本地實習計劃，名額50個，參加者有機會去海洋公園、恒基地產、青年協進會等機構實習，完成計劃嘅實習生有機會獲6000元獎學金。
計劃最遲於本月27日報名，實習期由6月28日至8月6日，18至25歲嘅大專生或應屆畢業生都可參加，實習生會獲安排參加培訓工作坊、參觀企業等。九社聯秘書長顏汶羽話，逾20間企業提供職位，首周已接到過百申請，今日起開始面試。
另一計劃係創業資助計劃，成功申請項目可獲最高40萬元資助，唔使還，亦無限制業務性質。年齡介乎18至40歲、無破產紀錄者，可於聽日下午6點前申請。九社聯理事長徐莉話一直注重青年發展，今次所推項目亦獲民政局支持。
更多港聞
【明報專訊】市建局3月時同華懋集團簽訂合約，將共同營運及管理中環街市活化項目，料第三季重開。華懋集團噚日公布，19號（下周三）會喺中環街市內...
詳情
【明報專訊】教資會昨日公布第八輪配對補助金計劃的撥款分配結果，10間政府資助專上教育院校共籌得約50億元捐款，配對25億元政府補助金。中文大...
詳情
相關新聞
