【Emily】港播《覺醒年代》 CY：令社會認識民族復興
[2021.07.13] 發表
【明報專訊】今年係中國共產黨成立100周年，香港再出發大聯盟同有線電視噚日舉辦內地電視劇《覺醒年代》首映會，出席者包括全國政協副主席梁振英、中聯辦秘書長王松苗、全國人大常委譚耀宗，仲有久未公開露面嘅民政事務局前局長何志平同太太胡慧中等。呢套劇係講述「新文化運動」到中共建立嘅早期革命者歷程；噚晚喺77台香港開電視、有線綜合娛樂台首播，套劇有43集，每集約45分鐘。
何志平偕妻露面 回應「冇咩搞」
梁振英致辭時話，父母分別喺1911年及1915年出生於山東，就係《覺醒年代》嘅時代背景。佢喺父母口中聽過不少家鄉故事，有親切嘅鄉情，但更多嘅係覺醒前嘅封建、落後。佢相信《覺醒年代》會令香港社會尤其年輕人，對民族復興歷程有更全面認識。
何志平2018年被美國裁定洗黑錢等7罪成立，去年出獄返港。被問到有咩新搞作，佢話「冇咩搞」。之前有報道話佢喺北角飯聚疑違4人一枱限聚令，佢對呢件事冇回應。
更多港聞
《國安讀本》派入幼園 教局通函：助幼兒認識中國人身分
【明報專訊】教育局4月向中小學贈送內地法律學者王振民等編寫的《香港特別行政區維護國家安全法讀本》，本月起向設本地課程的幼稚園分派該讀本，每校... 詳情
相關新聞
