【Emily】聞DQ風無辭職 區議員：約咗體檢，睇定啲
[2021.08.06] 發表
【明報專訊】超過200個區議員上月先後辭職，屯門區議員張錦雄係少數無辭職嘅一個，噚日佢喺facebook上載一張著住手術袍嘅自拍照，提到身體檢查報告話佢跑步心電圖出現異常，醫生建議佢做冠狀動脈造影檢查，仲加多句「#因為預約了體檢讓我可以有時間睇定啲最終冇辭到職」。
張錦雄：兼怕辭職醫療費claim唔番
張錦雄同Emily講，區議員一年有3萬幾蚊醫療費，佢喺助理建議下，6月同其他議員一齊預約做體檢。約咗7月中做體檢嘅張錦雄話，政府7月初開始吹風DQ區議員，其他區議員先後辭職，佢話當時曾經擔心，如果即時辭職，9000幾蚊體檢費可能claim唔番，又唔想自己畀，但佢話更想開埋幾個會，因為涉及非牟利撥款項目，加上唔想咁急遣散同事，決定等多一星期，做完體檢再決定。
張錦雄話，嗰個星期正好畀自己諗清楚辭唔辭職，最終佢覺得自己無做錯，決定唔會主動辭職，至於因為做體檢而延遲決定，佢就話係陰差陽錯。
更多港聞
【明報專訊】民建聯漁農界議員何俊賢早前去咗東龍洲，同中聯辦及漁護署官員齊齊視察魚類養殖區，仲聽咗養殖實習培訓班嘅學員分享，發現學員都有意去大...
詳情
【明報專訊】環保署官員上個月喺立法會環境事務委員會上，被問到點樣推算出全港有1800至3300隻野豬，署方最近以書面向立法會提交補充回覆，原...
詳情
相關新聞
