【Emily】出帖談用人唯才 公務員局曬律政男秘書
[2021.08.12] 發表
【明報專訊】公務員事務局噚日喺facebook出post介紹公僕，話政府作為僱主一直致力提供平等就業機會，聘任公務員時用人唯才，不受性別規限，當中私人秘書職系亦不乏男同事，包括律政司署任一級私人秘書李勁麟(King)。King話，最初上司或其他秘書同事見到辦公室內有男秘書會驚訝。佢認為做秘書要具備五大條件，包括心思細密，舉例上司若係左撇子，開會時將筆放喺左邊就可以更方便佢。
King深信職業無分男女，工作態度認真一樣能夠勝任秘書一職，其他條件包括：良好溝通技巧；須嚴守秘密；擅長管理時間，妥善完成工作；以及要有自學能力，能夠獨立完成工作。至於私人秘書嘅工作，King話每日都需要檢視上司當日嘅預約安排，閱讀電子郵件，然後編訂工作日程等。根據資料，政府一級私人秘書月薪由3萬多元起跳。
更多港聞
相關新聞
