【Emily】行會成員歡送日本駐港總領事
[2021.08.14] 發表
【明報專訊】日本駐港總領事館大使暨總領事和田充廣8月中完成任期並離港，佢前晚喺官邸設宴向一班行會成員道別，新民黨主席葉劉淑儀喺facebook上載照片，可見一眾行會成員相當畀面，召集人陳智思、資深大律師湯家驊等都有出席。葉太話佢同數名身兼行會成員嘅立法會議員(包括廖長江、林健鋒、張宇人)都有出席並致送紀念品，又透露其他「五眼聯盟」駐港總領事都有出席。
日本駐港總領事館日前刊登和田充廣嘅離任致辭，佢自言「我滿懷傷感，因為是時候說再見了」，衷心感謝過去兩年9個月香港、澳門人對佢嘅支持同友誼。和田又話好榮幸出任總領事一職，雖然香港過去幾年「面臨着一些挑戰」，但都想向港人對日本堅定不移嘅熱情支持，表示衷心感謝。佢又透露繼任人岡田健一準備來港，「希望你們能像對我一樣對他予以支持，我將不勝感激」。
更多港聞
【明報專訊】民主派初選案多人還押，包括西貢區議會前主席鍾錦麟（Ben）。立法會前議員邵家臻噚日探佢，透露Ben目前喺赤柱單獨囚禁，囚倉較舊，...
詳情
相關新聞
