【Emily】郭榮鏗做美國佐治城大學傑出學人

[2021.08.20] 發表

【明報專訊】立法會法律界前議員郭榮鏗早前移民加拿大，繼上月獲美國哈佛大學甘迺迪學院列為亞洲學人後，佢再加入美國佐治城大學沃爾什外事學院亞洲研究項目成為「傑出學人」。該校發新聞稿話，郭榮鏗會就香港同亞太地區嘅民主管治同法治講課，亦會主持圓桌討論。

就香港亞太民主管治講課

新聞稿形容郭榮鏗以大律師為專業，喺香港係民主、人權和法治嘅倡議者，佢在任立法會議員期間，為香港民主運動積極參與國際游說工作，亦係2019年港府推動修訂《逃犯條例》嘅主要反對者之一，喺「反修例運動」期間，曾到佐治城大學講述香港人集會情况。

校方引述郭榮鏗話好榮幸獲邀重返佐治城大學，分享佢喺香港法律和政治方面嘅經驗。

郭榮鏗又話：「香港的經驗教曉我們，法治持續性最終與民主管治模式息息相關。」

更多港聞

【明報專訊】香港研究協會噚日公布調查，結果顯示立法會內擁有議席嘅政團中，自由黨支持度排第一位，得分為2.20（5分最高），民建聯、熱血公民就... 詳情