【Emily】三跑鋪好 海砂製沙漏送嘉賓
[2021.09.08] 發表
【明報專訊】機場三跑系統造價1415億元，其中第三條跑道鋪設工程已經完成，機管局噚日舉行竣工儀式，向每個嘉賓同傳媒贈送咗一份好珍貴嘅禮物，就係用三跑工程填海所用砂粒製成嘅沙漏(圖)。
之所以話份禮物好珍貴，因為三跑填海期間面對海砂供應嚴重短缺及價格暴升問題，機管局主席蘇澤光噚日喺竣工儀式致辭時亦提到，工程期間「海砂價錢貴咗好多倍」。《明報》舊年報道，原造價約153億元嘅三跑工程合約編號3206「主要填海工程」，因為海砂採購困難，要額外向承建商支付80億，機管局當時話合約細節不便公開，但會維持喺總預算1415億內完成工程。
海砂價貴，機管局咁揼本用嚟製作沙漏，Emily都珍而重之，但唔知係咪填海所用嘅砂比較粗，沙漏流得唔太順暢，塞住樽頸位，時間一度「靜止」。而團隊噚日好有信心咁話，第三條跑道可以如期喺出年啟用，整個三跑系統就會喺2024年完工。
更多港聞
【明報專訊】仲有兩星期就到中秋節，天文台噚日出咗個賞月錦囊，預告滿月時間會喺當日（21日）早上7點55分，屆時月球喺香港地平線以下，即係市民...
詳情
生涯規劃 九成中學已設常額教席 教局更新指引涵蓋初中 提21推行建議
【明報專訊】選科和升學被不少學生視為「人生交叉點」，盡早規劃可望減輕焦慮。教育局昨日更新《中學生涯規劃教育及升學就業輔導指引》，新增「推行策... 詳情
DSE考生錄10年新低 東華學院收909新生超預期
【明報專訊】專上院校陸續開學，自資學院東華學院昨稱，學院今年收生反應踴躍，共取錄909名新生，人數高於預期。校方稱今年中學文憑試（DSE）考... 詳情相關新聞
