【Emily】梁美芬派物資 被露宿者互愛精神感動
[2022.02.07] 發表
【明報專訊】選委會界別立法會議員、經民聯梁美芬喺年廿九傍晚，聯同多名專業人士、「凝聚民心」嘅義工，到油麻地一帶包括油麻地梁顯利社區中心嘅臨時避寒中心，向露宿者派發乾糧同口罩等防疫物資，派咗百幾份，希望喺寒冷天氣警告下送暖。梁美芬喺facebook表示，有露宿者將自己獲贈嘅物資轉送畀唔在場嘅伙伴，話呢種利他、互愛精神令佢大受感動。
梁美芬同Emily講，今次落區發現唔少露宿者以為要有住址先可以接種新冠疫苗，唔知道自己合資格打針，認為當局宣傳同教育不足。
佢又話，避寒中心內衛生情况成疑，有百多名露宿者在內，但無任何間隔；亦有露宿者因為擔心街上嘅家當被偷，所以即使天氣凍都唔願意入住避寒中心。梁美芬話一定會喺立法會跟進露宿者面對嘅困境，特別目前疫情嚴峻，認為抗疫工作唔可以遺漏佢哋。
更多港聞
【明報專訊】全國人大代表、政協「兩會」分別將於3月5日和4日喺北京召開，有港區人代同政協委員已收到通知，佢哋要同上年一樣，要先到深圳住一晚，...
詳情
相關新聞
