【Emily】「活出不一樣的50+」 方國珊讀工程碩士
[2022.08.16] 發表
【明報專訊】新學年9月開學在即，今年56歲嘅「哪吒」、西貢區議員方國珊都會開學。原來佢報讀咗理工大學嘅工程碩士課程，佢話慶幸能夠「活到老，學到老」，希望喺人生下半場唔好自我設限，多看多嘗試，要「活出不一樣的50+」咁話。
本身係屋宇工程師嘅方國珊噚日就喺facebook揸住學生證自拍，仲話自己將於新學年做番「學生妹」。佢話現時香港發生唔少工業意外，職業安全健康都會提及「沒有最安全，只有更安全」，以往做地區工作亦協助處理唔少樓宇結構個案，所以希望透過進修，協助改善建築同施工現場嘅安全，預防意外發生，以專業回饋社會，並話要同其他學生共勉之。
更多港聞
相關新聞
