【Emily】張欣宇談灣區：送人走講唔通 梁振英點名商榷 叫議員灣區遊學
[2022.11.04] 發表
【明報專訊】立法會議員張欣宇(Gary)日前接受民主黨前主席劉慧卿訪問，講起大灣區發展時，張認為重點係搵到自己城市發展嘅機遇，而唔係將啲人送去邊度，覺得唔係好講得通。全國政協副主席梁振英(CY)噚日朝約7點喺facebook點名話要「商榷」，唔同意Gary觀點之餘，仲叫議員不如公費去大灣區遊學3個月。
梁振英話，無人要將亦唔能夠將香港人「送去」邊度，但就指港人要知道大灣區其他城市嘅事業發展機遇，而且要破除偏見。又話若港人有意去大灣區廣東城市發展，佢哋有責任為佢哋解決稅率、子女教育、投票等問題。梁振英話香港經濟結構狹窄，港人唔了解唔考慮周邊城市的發展機遇，會成為「小街坊、小麻雀」。
張欣宇：榮幸有「國家級政策討論」
Gary兩個鐘內火速網上回應，話得到CY關注同指點，有「國家級政策討論」嘅機會，感到十分榮幸。佢分享自己童年喺蛇口工業區度過，長大後知道CY經常去蛇口，為工業區帶嚟好多先進管理經驗，隨蛇口發展迅速，令佢哋有「走南闖北」嘅機會同本領。
Gary認同政府及議會需要喺具體政策層面上解決青年遇到嘅困難，「為願意闖出去的人，打通重重壁壘和障礙，創造有利條件」，又話CY係長輩，「期待未來有更多機會向您學習」。
更多港聞
【Emily】實踐《巴黎協議》 環團評政府C-
【明報專訊】新一屆聯合國氣候峰會本月喺埃及舉行，有環團噚日發表最新一份《香港氣候行動報告》審視特區政府實踐《巴黎氣候協議》目標嘅情况，結果政... 詳情
【明報專訊】政府轄下燒烤場噚日起重新開放，適逢近日秋風起，九巴預計大美督、新娘潭同烏蛟騰等熱門郊遊地點周末乘客需求會上升，宣布下周日（11月...
詳情
【明報專訊】沉寂一陣嘅前學聯常務秘書鍾耀華創作嘅文集《時間也許從不站在我們這邊》，近日獲台灣金鼎獎「文學圖書獎」嘉許。文集涵蓋佢2016至2...
詳情
DSE問1955出國開會總理 中史考生答「李克勤」
【明報專訊】考評局昨出版各科《試題專輯》，輯錄2022年中學文憑試（DSE）考生表現及評卷參考。今年中史科有題目關於中華人民共和國建國初年外... 詳情相關新聞
