【Emily】赴烏人道支援 區議員譚爾培助「送暖」
[2022.11.30] 發表
【明報專訊】俄烏戰爭持續超過8個月，民主派大埔區議員譚爾培早前去咗烏克蘭首都基輔協助人道救援工作，又到訪曾經發生激烈戰鬥嘅周邊地區，包括布查鎮、伊爾平、霍斯托梅利。佢話作為區議員同香港人，希望以微薄力量向當地人送上至誠嘅祝福。
譚爾培早前完成11月所有區議會會議後，遠赴基輔做義工，喺當地逗留幾日，趁寒冬前協助運送人道救援物資，包括保暖衣物同暖爐等。佢形容耳聞不如眼見，喺當地切身體會到烏克蘭人面對戰爭所帶來嘅痛苦，包括基輔一帶有唔少被摧毁嘅建築物，亦親歷因俄軍導彈襲擊導致電力供應緊張。
佢喺fb話目前已經平安離開烏克蘭，抵達波蘭邊境。佢話此行眼見一眾熱心同愛國嘅烏克蘭民眾協助重建國家，所以相信當地經歷戰爭後仍然有光明前途。
更多港聞
【明報專訊】文化體育及旅遊局噚日公布，常任秘書長黃智祖新冠核酸檢測陽性，正接受隔離，係繼9月1日後第二度中招。計埋黃智祖，該局自上周三（23...
詳情
【明報專訊】疫情下大家更注重清潔，令清潔工工作量大增，港鐵年初撥款2000萬推出「車站清潔獎勵計劃」，每月為各車站嘅清潔程度評分，再按排名向...
詳情
政府資助4院校 先導開應用學位課程 THEi靈活收生 取錄樹藝老行尊
【明報專訊】《施政報告》提出加強職專教育，研究推出更多「應用學位課程」。今學年4間院校以先導形式提供4個應用學位課程，香港學術及職業資歷評審... 詳情相關新聞
