【Emily】湯家驊染新冠 籲勿完全依賴快測結果
[2022.12.13] 發表
【明報專訊】行政會議成員、資深大律師湯家驊新冠病毒快測呈陽性，佢話發病第一日已經發燒，亦有其他病徵，當時快測仍然陰性，所以提醒大家唔好完全依賴快測結果，認為自己身體先係最準確嘅測試。
湯家驊同Emily講，染疫後身體不適，包括發高燒，已經取消近日嘅活動同行程。其中佢原定聽日出席港大職員協會嘅「午間茶座」，分享「國安法與自由」，Emily最初見有網民分享活動宣傳單張，但協會網頁或社交平台都唔見有，協會職員同Emily講活動需要延期，但未知幾時再舉行。
湯家驊噚日喺facebook表示自己快測陽性，佢認為感染只係遲早嘅事，身邊幾乎所有人都染病，「為何認為自己可獨善其身？」佢憶述家人早前有病徵，但到第三日快測先轉為陽性，結果自己亦被感染。
更多港聞
【Emily】廠商會會慶 12集電視特輯介紹成就
【明報專訊】今年係中華廠商聯合會成立88年，慶祝活動之一係同無綫電視合作，製作名為「『廠』造未來」嘅電視特輯，由噚日至下月20日期間，一共1... 詳情
【明報專訊】明年中學文憑試（DSE）筆試4月下旬開考，考評局昨日發布2023年DSE《考生手冊》，提醒考生注意事項。新增規定禁止考生針對考評...
詳情
相關新聞
