【Emily】參選董事無競爭 徐英偉料做足總副主席
[2023.06.10] 發表
【明報專訊】中國香港足球總會今個月27日舉行董事會換屆選舉，噚晚公布嘅候選名單中，出現前民政事務局長徐英偉個名。足總主席貝鈞奇同Emily講，徐英偉係由佢邀請參選董事，認為對方曾任政府要職，經驗豐富，又話完成換屆就會選出兩名副主席，現任副主席黃良柏同徐英偉都係合適人選。
翻查資料，當時仲係局長嘅徐英偉，曾喺2021年2月疫情復賽時，同過貝鈞奇一齊入場睇港超菁英盃比賽。
貝鈞奇選會長 霍啟山選主席
貝：徐做過官經驗豐 合適人選
至於貝鈞奇就會接替霍震霆參選足總會長，霍家次子霍啟山由副主席改選主席。至於其餘候選名單，冠忠巴士老闆黃良柏爭取連任，「紅褲子」球員出身嘅陳志康就唔連任，改由近日傳有意升班港超嘅高力北區主席朱浩賢競逐。除咗徐英偉，另外兩個同球會無聯繫嘅董事參選人，包括孔教學院常務副院長洪定騰、港超球隊標準流浪會長莫耀強女兒莫慕潔。
由於各職位都無競爭，選舉當日毋須投票就會自動當選，任期至2025或27年。
更多港聞
【Emily】修畢CPR及AED機課程 將獲「救心同仁」證
【明報專訊】消防處近年積極喺民間推廣心肺復蘇法（CPR）同自動心臟除顫器（AED機），噚日再宣布同6間提供相關急救課程嘅機構合辦「救心同仁」... 詳情
【明報專訊】部分因民主派初選案被控違反《港區國安法》嘅被告，其團隊過往都有賣物籌款，好多都係賣食物、飾物等，今次被告之一嘅立法會前議員梁國雄...
詳情
【明報專訊】早排有建制派評論質疑，立法會會期已改為每年1月至12月，按以往喺7月至10月休會「放暑假」嘅做法「莫名其妙」。噚日立法會內務委員...
詳情
相關新聞
