【Emily】梁美芬叫錯梁君彥「主人」
[2023.06.16] 發表
【明報專訊】立法會不時有議員口快快講錯嘢，有時叫錯人名、讀錯成語，而噚日立法會續會上，梁美芬喺發言結尾時，將「主席，本人謹此陳辭」讀成「主人，本人謹此陳辭」。雖然佢已經即刻意會講錯，更正嗌番「主席」，不過都難掩尷尬，而被嗌「主人」嘅梁君彥就一於少理，繼續照嗌下一個議員發言。
喺噚日討論「推動中醫發展」無約束力議員議案時，梁美芬提到自己向來係中醫支持者，自1992年開始周不時有病徵，最後發現食中醫可根治，而近年亦有外國人研究中西醫結合、吸納中醫理念研發健康產品，希望香港喺呢方面急起「極」追。事後佢facebook專頁上嘅發言片段，就只係剪走「主人」，「急起極追」就保留。
更多港聞
相關新聞
