【Emily】放榜前返華仁幫師弟打氣 陳浩濂不忘講「經」
[2023.07.19] 發表
【明報專訊】DSE今日放榜，財庫局副局長陳浩濂噚日就返咗母校香港華仁書院同師弟打氣。佢同Emily講，每年都有返去同師弟交流，一方面想了解吓後生一輩嘅想法，同時亦希望分享自己嘅人生經歷同埋香港經濟嘅最新發展，希望對佢哋生涯規劃有幫助。陳浩濂噚日都有同學生講老本行，介紹金融發展，話金融科技同綠色科技係大趨勢。
科大校長葉玉如噚日就上載短片為考生打氣，話佢研究腦神經科學幾十年，遇過唔少困難，有時實驗結果未如理想，但佢唔會灰心，「因為我知道每一個過程都係寶貴嘅經驗。雖然可能今次失敗咗，但係可以參考失敗原因，下次就可以做得更加好」。
美領館教打氣俚語break a leg
美國駐港澳總領事館就乘機教大家英文俚語，話美國人除咗會同人講「good luck」，仲會祝人「break a leg」，意思唔係咒人整親腳，相反係叫你加油咁解。
更多港聞
【Emily】議員訪廈門華僑大學 讚港生有抱負
【明報專訊】立法會外訪團由福州去到廈門，噚日去咗有超過2000個香港學生嘅華僑大學（廈門校區）同港生交流，聽吓佢哋喺當地生活同學習嘅情况。立... 詳情
【Emily】藝發局新場首展 探索黃竹坑都市傳說
【明報專訊】藝術發展局喺黃竹坑有新址，仲搞咗個全新多用途展廳「展藝館」。藝發局噚日開始至10月1日喺呢個位於黃竹坑Landmark Sout... 詳情相關新聞
