【Emily】古洞北綜合大樓落成 可安置石仔嶺院友
[2023.07.24] 發表
【明報專訊】為推展古洞北新發展區計劃，位於石仔嶺花園嘅私營安老院舍要清拆，民建聯立法會議員劉國勳噚日喺社交媒體發帖，話噚日出席咗「睿柏園」(原石仔嶺東方護老院)嘅開放日，發現樓高8層嘅古洞北福利服務綜合大樓已落成，提供逾1700個長者宿位，可全數安置現居石仔嶺花園安老院舍嘅長者，再展開石仔嶺收地及古洞北第二期發展工程。
提供1700多長者宿位
劉國勳話回想2014/15年，新界東北發展計劃令石仔嶺安老院長者擔心被逼遷，當時佢關注工程或影響院友，遂促成安老院營運者與政府部門溝通，共同爭取當局待新安老院舍大樓落成，妥善安置受影響長者，做到無縫交接才開始工程。佢話參觀過院舍設施，指媲美高級護老院設備，並引入智慧安老院舍設施，一班「老友記」及其家屬都滿意新居。
更多港聞
相關新聞
